Forslag til vedtak om lønsregulering for arbeidstakarar i det statlege tariffområdet 2006 mv.
I
I statsbudsjettet for 2006 vert det gjort følgjande endringar:
Utgifter:
Kap. | Post | Formål | Kroner |
---|---|---|---|
2315 | Lønsregulering for arbeidstakarar i det statlege tariffområdet | ||
01 | Driftsutgifter, vert løyvd med | 1 200 000 000 | |
1502 | Tilskot til kompetanseutvikling | ||
70 | Tilskot, kan overførast , vert løyvd med | 20 000 000 | |
1503 | Midlar til tenestemannsorganisasjonanes opplærings- og utviklingsarbeid | ||
70 | Tilskot, vert nedsett med frå kroner 107 816 000 til kroner 86 127 000 | 21 689 000 | |
71 | Bidrag frå arbeidstakarane, vert nedsett med frå kroner 29 959 000 til kroner 24 129 000 | 5 830 000 | |
1541 | Pensjonar av statskassen | ||
01 | Driftsutgifter, overslagsløyving , vert auka med frå kroner 21 000 000 til kroner 21 506 000 | 506 000 | |
1542 | Tilskot til Statens Pensjonskasse | ||
01 | Driftsutgifter, overslagsløyving , vert auka med frå kroner 6 299 000 000 til kroner 6 371 385 000 | 72 385 000 | |
70 | For andre medlemmer av Statens Pensjonskasse, overslagsløyving , vert auka med | 7 385 000 | |
frå kroner 70 000 000 til kroner 77 385 000 | |||
1546 | Yrkesskadeforsikring | ||
01 | Driftsutgifter, overslagsløyving , vert auka med frå kroner 85 000 000 til kroner 86 065 000 | 1 065 000 | |
1547 | Gruppelivsforsikring | ||
01 | Driftsutgifter, overslagsløyving , vert auka med frå kroner 74 000 000 kroner til 75 782 000 kroner | 1 782 000 | |
635 | Venteløn, jf. kap. 3635 | ||
01 | Driftsutgifter, overslagsløyving , vert auka med frå kroner 420 000 000 til kroner 428 000 000 | 8 000 000 |
II
Stortinget samtykkjer i at det med verknad frå 1. mai 2006 vert føreteke regulering av løningane mv. for arbeidstakarar i det statlege tariffområdet som er medlemmer av LO Stat, Yrkesorganisasjonenes Sentralforbund Stat og Unio i samsvar med Riksmeklingsmannen si møtebok av 24. mai 2006.
III
Stortinget samtykkjer i at det med verknad frå 1. mai 2006 vert føreteke regulering av løningane mv. for arbeidstakarar i det statlege tariffområdet som er medlemmer av NITO og Norges Farmaceutiske Forening i samsvar Riksmeklingsmannen si møtebok av 24. mai 2006.
IV
For embets- og tenestemenn som ikkje er medlem av organisasjonar som nemnde i romertall II og III og difor ikkje får sine løns- og arbeidsvilkår fastsett i hovudtariffavtale, skal same løns- og arbeidsvilkår som etter romertall II, gjelde. Embets- og tenestemenn som er tekne ut av hovudtariffavtalen, får sine løns- og arbeidsvilkår fastsette administrativt i eigen kontrakt.
V
Fornyings- og administrasjonsdepartementet får fullmakt til å kunne samtykkje i at det ved forhandlingar/mekling vert føreteke tilsvarande regulering som i romertall II av løningane mv. for arbeidstakarar som er medlemmer i Akademikerne.
VI
Stortinget samtykkjer i at Kongen på vegne av staten kan bringe tvistar i samband med tariffoppgjeret i staten i 2006 inn for Rikslønsnemnda i samsvar med føresetnadene i lov om offentlege tenestetvistar av 18. juli 1958, jf. § 26.
VII
Pensjonar i Statens Pensjonskasse vert regulerte i samsvar med auken i grunnbeløpet i folketrygda per 1. mai 2006.
Statens Pensjonskasse vert gitt fullmakt til å regulere og tilpasse pensjonar som på grunn av særlege pensjonstekniske forhold ikkje med rimelig resultat kan regulerast i samsvar med punkt 1.
Fornyings- og administrasjonsdepartementet får fullmakt til å regulere pensjonar av statskassa på same måte som for statspensjonistar etter punkt 1.
VIII
Stortinget samtykkjer i at Finansdepartementet får fullmakt til å fordele løyvinga under kap. 2315 Lønsregulering for arbeidstakarar i det statlege tariffområdet, post 01 Driftsutgifter, på dei av departementet sine postar som har lønsløyving.