Tryggare og meir effektiv vegtransport – med ny teknologi

- Meir bruk av informasjonsteknologi  kan vera med på å gjera transport av personar og gods tryggare, meir miljøvenleg og effektiv. For å fremja ei slik utvikling har Samferdselsdepartementet no bede Vegdirektoratet om å oppretta eit eige råd, leia av vegdirektøren.  Rådet skal mellom anna leggja til rette for innføring av internasjonalt regelverk på dette området. Rådet vil óg styrkja samarbeidet mellom styresmakter, organisasjonar og verksemder når det gjeld bruk av informasjonsteknologi innanfor særleg vegtransport, seier samferdselsminister Magnhild Meltveit Kleppa.

Rådet skal mellom anna sjå til at det såkallla ”ITS-direktivet” blir innarbeidd i EØS-avtalen. Dette direktivet tar for seg rammene for innføring av ”intelligente transportsystem, ITS” på vegtransportområdet.

-  ITS-direktivet legg til rette for at vi får eit transportsystem som heng godt saman, også over landegrensene. Direktivet synest òg å ha tatt omsyn til personvernet på ein forsvarleg måte. I det vidare arbeidet er det viktig å ha eit særleg auge til personvernet. Gjennomføring av internasjonalt regelverk og styrkt samarbeid på ITS-feltet vil òg vera tenleg for dei mange norske verksemdene som utviklar og tilbyr nye og avanserte løysingar for drift og styring av transportsystem, sier samferdselsministeren.

Over budsjettet til Samferdselsdepartementet blir det gitt midlar til interesseorganisasjonen ITS-Norge som arbeider med å fremja bruk av informasjonsteknolgi i  transportsektoren. Departementet bidrar også med midlar til forskingsprogrammet ”SMARTRANS” i regi av Noregs forskingsråd.  Dette forskingsprogrammet skal styrkja kunnskapsgrunnlaget når det gjeld næringslivet sine transportar og fremja smarte  transportløyvingar som er miljømessig berekraftige og energieffektive. Innanfor programmet er det mellom anna sett i gang ei rekkje prosjekt der ITS-løysingar blir nytta.

For fleire opplysingar – sjå:
• Brev av 28. juli, 2011 frå Samferdselsdepartementet til Vegdirektoratet

• Brev av 27. juli, 2011 frå Vegdirektoratet til Samferdselsdepartementet (om mandat for ITS-rådet)
 
• Europaparlaments- og rådsdirektiv
EU om rammene for innføring av intelligente transportsystem på vegtransportområdet og for grenseflater til andre transportformer

• Pressemelding 16. mars, 2011: Internasjonalt regelverk og samarbeid - for bruk av IKT i transportsektoren 

• Strategi – Intelligente transportsystemer, Samferdselsdepartementet, 2010 (pdf)
 
• Nettside om forskningsprogrammet SMARTRANS på heimesidene til Noregs forskingsråd

• Nettsidene til ITS Norge

For meir informasjon:
Pressetelefonen: 919 14 777