Forslag til vedtak om ein del saker på Samferdselsdepartementet sitt område
I
Stortinget samtykkjer i at:
Bompengeselskapet får løyve til å krevja inn bompengar til delvis bompengefinansiering av utbygging av fylkesveg 45 i Gjesdal og Sirdal kommunar etter vilkåra i denne proposisjonen. Samferdselsdepartementet får fullmakt til å inngå tilleggsavtale med bompengeselskapet og fastsetja nærare reglar for finansieringsordninga.
Nytt Autosys blir gjennomført innafor ei kostnadsramme på 700 mill. 2009-kr.
Prosjektet Fv 64 Atlanterhavstunnelen får ei revidert kostnadsramme på 900 mill. kr.
Samferdselsdepartementet får fullmakt til å pådra staten forpliktingar knytt til gjennomføringa av investeringsprosjektet dobbeltspor Holm - Holmestrand - Nykirke med ei føresetnader som er omtalt i denne proposisjonen, innafor ei kostnadsramme på 5 720 mill. kr.
Samferdselsdepartementet får fullmakt til å pådra staten forpliktingar knytt til gjennomføring av investeringsprosjektet Vålåsjø kryssingsspor, som omtalt i denne proposisjonen, innafor ei kostnadsramme på 120 mill. kr.
Samferdselsdepartementet får fullmakt til å pådra staten forpliktingar knytt til gjennomføring av investeringsprosjektet Bodø godsterminal, som omtalt i denne proposisjonen, innafor ei kostnadsramme på 132 mill. kr.