3 Avgjerda i EØS-komiteen

Avgjerda i EØS-komiteen nr. 55/2012 av 30. mars 2012 går ut på ei endring av vedlegg XII til EØS-avtalen (Fri rørsle for kapital).

Avgjerda inneheld fire artiklar. I innleiinga blir det vist til at EØS-avtalen, og særleg artikkel 9, gjer det mogleg å endre vedlegga til EØS-avtalen gjennom ei avgjerd i EØS-komiteen.

Artikkel 1 slår fast at europaparlaments- og rådsdirektiv 2011/7/EU av 16. februar 2011 skal inngå i EØS-avtalen.

Artikkel 2 fastset at teksten til direktiv 2011/7/EU på norsk og islandsk, som vil verte kunngjort i EØS-tillegget til Tidend forDen europeiske unionen, skal vere gyldig.

Artikkel 3 slår fast at avgjerda tek til å gjelde 31. mars 2012, på det vilkåret at EØS-komiteen har motteke alle meldingar etter artikkel 103 nr. 1 i avtalen.

Artikkel 4 slår fast at avgjerda i EØS-komiteen skal kunngjerast i EØS-avdelinga og EØS-tillegget til Tidend for Den europeiske unionen.