Forslag
til vedtak om endringar i statsbudsjettet 2021 under Samferdselsdepartementet (driftskreditt til Nye Veier AS og kostnadsrammer) og revisjon av bompengepakke (fylkesveg)
I
I statsbudsjettet for 2021 blir det gjort følgjande endringar:
Utgifter:
Kap. | Post | Formål | Kroner |
|---|---|---|---|
1321 | Nye Veier AS | ||
86 (NY) | Driftskreditt, blir løyvd med | 1 000 000 000 |
II
Fullmakt til å forplikte staten for investeringsprosjekt
Stortinget samtykkjer i at Samferdselsdepartementet:
får fullmakt til å gjennomføre desse investeringsprosjekta: | innafor ei kostnadsramme på: |
|---|---|
E136 Breivika–Lerstad | 2 390 mill. kr |
E18/E39 Gartnerløkka–Kolsdalen | 3 526 mill. kr |
Fullmakta gjeld òg forpliktingar som blir inngåtte i seinare budsjettår, innafor kostnadsramma for det einskilde prosjekt. Samferdselsdepartementet får fullmakt til å prisjustere kostnadsramma i seinare år.
III
Vedtak om revidert finansieringsopplegg for fylkesvegprosjekt og -tiltak i Bømlo kommune i Vestland
Stortinget samtykkjer i at bompengeselskapet får løyve til å ta opp lån og krevje inn bompengar til utbygging og finansiering av revidert Bømlopakke i Vestland. Vilkåra går fram av denne proposisjonen.
Samferdselsdepartementet får fullmakt til å inngå avtalar med bompengeselskapet og fastsetje nærare reglar for finansieringsordninga.