1 Samandrag

Under programområde 02 Utanriksforvaltning blir det gjort framlegg om ein netto reduksjon på 126,5 mill. kroner.

Mellom anna er kontingentane til internasjonale organisasjonar venta å bli 135,5 mill. kroner lågare enn tidlegare budsjettert medan utbetalingane under EØS-finansieringsordningane no er rekna til å bli netto 14 mill. kroner høgare enn hittil budsjettert.

Under programområde 03 Internasjonal utviklingshjelp blir det gjort framlegg om omdisponeringar på til saman 1 377,8 mill. kroner. Nye overslag viser at utgiftene til ODA-godkjende flyktningtiltak i Noreg er 1 360 mill. kroner lågare enn tidlegare rekna med. Det er midlar som i denne proposisjonen blir foreslått omdisponert til andre tiltak, m.a. humanitær hjelp og andre strakstiltak i Afrika, Asia og Midtausten.

Vidare blir den ODA-godkjende delen (85 pst.) av innskotet i Den asiatiske investeringsbanken for infrastruktur (AIIB) foreslått som del av utviklingshjelpa for 2017, jf. vedtak i OECD/DAC.