§ 1 første ledd skal lyde:

Denne lova gjeld handelsverksemd med brukte og kasserte

• 1. varer av edelt metall,

• 2. edelsteinar og perler,

• 3. kulturgjenstandar,

• 4. kunstverk, samleobjekt og antikvitetar,

• 5. motorvogner.

Departementet fastset nærare forskrifter om kva for varer og gjenstandar som skal reknast for omfatta av verkeområdet etter punkt 1 til 5.

§ 1 nytt femte ledd skal lyde:

Kongen gir forskrift om bruken av lova på Svalbard og kan fastsetje særlege reglar med omsyn til dei stadlege tilhøva.

§ 2 første ledd skal lyde:

Handelsverksemd med og oppkjøp med sikte på sal av brukte og kasserte varer og gjenstandar som nemnde i § 1 første ledd krev løyve frå politiet. Ein må ha løyve alle stader der verksemda vert driven, både på innkjøpsstad og salsstad.