3 Støttetiltaka for 2001
For 2001 vart det løyvd 120 mill. kroner i støtte til fiskerinæringa. Avtaleramma vart fordelt slik:
| Avtaleramme 2001 | Mill. kroner |
| Strukturtiltak i fiskeflåten | 30 |
| Føringstilskot | 31 |
| Garantilott | 15 |
| Driftstilskot lineegnesentralar | 11 |
| Fiskeforsøk og rettleiing | 4 |
| Reservebeløp | 291) |
| Totalt | 120 |
1) Av dette er 15 mill. kroner løyvd til selfangst.
Ved utgangen av 2000 stod det att om lag 57 mill. kroner som vart overført til 2001. Summen av løyvd og overført beløp i 2001 er såleis om lag 177 mill. kroner, jf. St.prp. nr. 1 (2001-2002) for Fiskeridepartementet, kap. 1040 post 70 Tilskot til støtte av fiskeria mm. Av dette beløpet gjeld 54 mill. kroner tilskot til kondemnering.
Det var per 30. september 2001 utbetalt om lag 84 mill. kroner over kap. 1040 post 70, slik at det på dette tidspunktet stod att om lag 93 mill. kroner. Ein stor del av restbeløpet er disponert i form av tilsegn om kondemneringstilskot. Per 7. november 2001 står det att om lag 31 mill. kroner i udisponert beløp.