1 Innleiing

Samferdselsdepartementet legg i denne proposisjonen fram ein del saker under programkategoriane 21.30 Vegformål og 21.60 Samferdselsberedskap.

Proposisjonen gjeld desse sakene:

Under 21.30 Vegformål

• departementet gjer greie for bompengeordninga på ny og eksisterande veg og takst- og rabattsystem i den nye Svinesundsforbindelsen

• det blir gjort greie for styrings- og kostnadsramme etter ekstern kvalitetssikring av E6 Svinesund gjennom Sarpsborg

• departementet orienterer om at bompengeselskapet vil forskotere midlar til førebuande arbeid på E18 Langåker – Bommestad

• det blir gjort greie for styrings- og kostnadsramme etter ekstern kvalitetssikring av E16 Wøyen – Bjørum

• departementet orienterer om tidlegare anleggsstart på E16 Borlaug – Voldum

• for å få bygd firefeltsveg i ein etappe på heile strekninga rv 2 Kløfta – Nybakk orienterer departementet om at Statens vegvesen vil starte arbeidet med å revidere gjeldande reguleringsplan

• departementet gjer greie for kostnadsauke og endra finansieringsplan for rv 680 Imarsundprosjektet

• det blir orientert om omdisponering av finansieringsbidraget frå omsetning av drivstoff i 2005 i Tromsøpakke 2

• departementet orienterer om at det ønsker å avvikle ordninga med statsgarantier for andreprioritetslån til kjøp og ombygging av ferjer i riksvegsamband

• det skal etablerast eit system for felles elektronisk brikke for betaling av bompengar i Norden. Departementet orienterer om arbeidet og finansieringa av systemet i Noreg

• det blir orientert om arbeidet med banebetjening av Fornebu

Under 21.60 Samferdselsberedskap

• departementet orienterer om utvikling av samferdselsberedskapen