1 Proposišuvnna váldosisdoallu

Bargo- ja searvadahttindepartemeanta evttoha dán proposišuvnnas rievdadusaid 1987 geassemánu 12.beaivvi nr. 56 lága Sámedikki ja eará sámi riektedilálašvuođaid birra (sámeláhka). Evttohuvvojit rievdadusat sámelága § 2 – 3, suohkaniin main leat unnitgo 30 jienastuslogus šaddá dušše vejolaš ovdalgihtii jienastit sámediggeválggain. Evttohuvvo rievdadit § 2 – 4 das galle válgabiire galget ja movt biirejuohku galgá leat, dasa lassin evttohuvvo ođđa vuohki movt áirasiid juohkit biiriide, ja evttohat sihkkut dálá dássenáirras ortnega. Sámelága §§ 2 – 5, 2 – 6 ja 2 – 7 evttohuvvo ahte doaba sámi jienastuslohku rievdaduvvo Sámedikki jienastuslohkui. Evttohuvvo čavget dálá gáibádusa ahte 15 sápmelačča geain lea vuoigatvuohta evttohit válgalisttu galget vuolláičállit listaevttohusa nu ahte 30 galget vuolláičállit listaevttohusa, sámelága § 2 – 7. Lassin láhkarievdadanevttohussii šaddá dárbbašlaš rievdadit Sámediggeválgga láhkaásahusa.

Rievdadusevttohusat evttohuvvojit doaibmagoahtit juo ovddabeale 2009 sámediggeválgga. Láhkarievdadusas lea danin váikkuhus nominašuvdnabargguide mat álget 2008 čavčča, ja rievdadusat berrejit danin maŋimusat biddjot fápmui 2008 suoidnemánu 1.beaivvi.