1 Bakgrunn

EØS-komiteen vedtok 4. desember 2009 avgjerd nr. 157/2009 om å endre vedlegg XXII til EØS-avtala til å omfatte europaparlaments- og rådsdirektiv 2009/49/EF av 18. juni 2009 om endring av rådsdirektiv 78/660/EØF og 83/349/EØF med omsyn til visse opplysningskrav for mellomstore selskap og plikta til å setje opp konsernrekneskap.

Ettersom gjennomføringa i norsk rett krev lovendring, vart avgjerda i EØS-komiteen teken med atterhald om Stortinget sitt samtykke til godkjenning i samsvar med § 26 andre leddet i Grunnlova.

Avgjerda i EØS-komiteen og direktiv 2009/49/EF i uoffisiell norsk omsetjing følgjer som trykte vedlegg til proposisjonen.