6 Konklusjon og tilråding

Kulturdepartementet meiner at norsk deltaking i MLIS-programmet i EU vil styrkje norsk i informasjonssamfunnet og medverke til utvikling av norsk språkteknologi i norske små og mellomstore verksemder. Samstundes vil vi stå fritt til å vidareføre vår eigen politikk på området. Utanriksdepartementet er samd i dette og tilrår såleis at artikkel 2 i protokoll 31 vert endra i samsvar med vedtak nr 37/97 av 27. juni 1997 i EØS-komitéen.