6 Garanti

Fylkestinget i Sør-Trøndelag har fatta vedtak om å stille lånegaranti med sjølvskuldnarkausjon på inntil 385 mill. 2009-kr for tiltak og prosjekt på fv 714 mellom Stokkhaugen i Orkdal kommune og Sunde i Snillfjord kommune i Sør-Trøndelag.

Den fylkeskommunale garantien må godkjennast av Kommunal- og regionaldepartementet. Kommunal- og regionaldepartementets si førehandsvurdering er at fylkeskommunen sin garanti kan godkjennast. Kommunal- og regionaldepartementet vil ta endeleg stilling til godkjenning av garantivedtaket etter at Stortinget har behandla saka. Garantisten sine utlegg kan dekkast gjennom ein auke av realtakstane med inntil 20 pst. og ei forlenging av bompengeperioden med inntil 5 år.