5 Endringar i budsjettforslaget for 2025

Kap. 571 Rammetilskot til kommunar

Post 60 Innbyggartilskot

Regjeringa foreslår å styrkje kommuneøkonomien med ein auke i innbyggartilskotet til kommunane med 4,3 mrd. kroner. Vidare blir det foreslått ei løyving på 198,1 mill. kroner for å rette opp ein feil i Prop. 1 S (2024–2025).

Samanlikna med forslaget i Prop. 1 S (2024–2025) foreslår regjeringa å auke løyvinga med i alt 4 498,1 mill. kroner til 185 732,3 mill. kroner.

Kap. 572 Rammetilskot til fylkeskommunar

Post 60 Innbyggartilskot

Samanlikna med forslaget i Prop. 1 S (2024–2025) foreslår regjeringa å auke løyvinga med 700 mill. kroner til 51 785,7 mill. kroner.

Kap. 1520 Statsforvaltarane

Post 01 Driftsutgifter

Løyvinga skal dekke ordinære løns- og driftsutgifter for statsforvaltarane og Statsforvaltarens fellestenester. I Prop. 1 S (2024–2025) er det foreslått å løyve 2 388,2 mill. kroner. Det blir foreslått å auke løyvinga med 15 mill. kroner, til 2 403,2 mill. kroner, jf. omtalen i pkt. 3.