5 Konklusjon og tilråding

Etter Sosial- og helsedepartementet sitt syn er det viktig for Noreg å ta del i det europeiske samarbeidet som blir utvikla innan folkehelsa, m.a. med sikte på standardisering og innsamling av helsedata som kan jamførast og er samsvarande. Internasjonale samanlikningar er verdfulle i utforminga av den nasjonale folkehelsepolitikken. Noreg ligg langt framme på området helseovervaking t.d. når det gjeld overvaking og førebygging av kreft og smittsame sjukdomar. Dette kan kome andre statar til gode. Norsk deltaking i programmet vil gje kunnskap om EU sitt arbeid på dette området, og vil kunne gjere det mogleg å påverke EU sine prioriteringar, retningslinjer og tiltak. Utanriksdepartementet er samd i dette.