3 Avgjerda i EØS-komiteen

I følgje avgjerd i EØS-komiteen nr. 56/2004 av 23. april 2004 skal vedlegg XXII (selskapsrett) til EØS-avtala endrast.

Artikkel 1 slår fast at europaparlaments- og rådsdirektiv 2003/58/EF av 15. juli 2003 om endring av rådsdirektiv 68/151/EØF med omsyn til krav om offentleg innsyn for visse selskapsformer skal leggjast til som nytt strekpunkt i vedlegg XXII nr. 1 til EØS-avtala.

Artikkel 2 slår fast at teksta til direktiv 2003/58/EF på islandsk og norsk, som vil verte kunngjord i EØS-tillegget til Tidend for Den europeiske unionen, skal vere gyldig.

Artikkel 3 slår fast at avgjerda tek til å gjelde 24. april 2004, på det vilkåret at EØS-komiteen har motteke alle meldingar etter artikkel 103 nr. 1 i avtala.

Artikkel 4 slår fast at avgjerda skal kunngjerast i EØS-avdelinga av og EØS-tillegget til Tidend for Den europeiske unionen.