7 Eksporten av forsvarsmateriell i 2006

Dette kapittelet gjev oversyn over eksporten av forsvarsmateriell basert på utførselsverdien ved sal av varer, teknologi og tenester som er omfatta av liste I.

Til liks med st.meld. nr. 19 (2005–2006) gjev denne meldinga òg informasjon om utførsel av handvåpen frå Noreg og om den bruken forsvarsstyresmakta gjer av eige materiell i utlandet. Som det går fram av oversynet nedanfor ( tabell 7.6), eksporterer ikkje Noreg militære handvåpen. Utførselen gjeld i all hovudsak antikke våpen til samlarar, jakt- og konkurransevåpen.

Vidare er det opplyst om tildelte løyve til formidling av forsvarsmateriell mellom to tredjeland og om løyve til overføring av produksjonsrettar til utlandet.

Oversyna inneheld ikkje opplysningar om mellombels utførsel av varer for demonstrasjon eller reparasjon, eller om varer som vil bli returnerte til Noreg. Det blir opplyst om avslag på søknader om eksportlisens. Dei avslaga som er med i oversynet, er formelle avslag på lisenssøknader som har vore behandla på basis av det norske regelverket for eksportkontroll. På bakgrunn av samarbeidet som er innleidd på grunnlag av EU-kodeksen, blir det òg vist til kva for kriterium i kodeksen som er brukte som bakgrunn for avslaga. På denne måten medverkar Noreg til å fremje ein høg internasjonal standard når det gjeld innsyn i utførselen av forsvarsmateriell.

Eksporten av forsvarsmateriell og tenester

Eksporten av forsvarsmateriell, tenester og utførte reparasjonar og avslag på søknader om eksportlisens knytte til liste I, er framstilt i desse sju oversyna 1 og figurane:

• 7.1 Totalar for eksport av forsvarsmateriell for 2005 og 2006

• 7.2: Fordeling av eksport av A- og B-materiell på grupper av land

• 7.3: Detaljar om eksporten fordelt på land og vareposisjonar i liste I

• 7.4: Utførte tenester knytte til liste I

• 7.5: Reparasjonar utførte i Noreg for utanlandske oppdragsgjevarar

• 7.6: Oversyn over utførsel av handvåpen

• 7.7: Oversyn over forsvarsstyresmakta sin utførsel av eige materiell

Figurar:

• Fig. 7.1 Eksport av A-materiell fordelt på regionar

• Fig. 7.2 Eksport av B-materiell fordelt på regionar

• Fig. 7.3 Utførselen fordelt på posisjonane i liste I

• Fig. 7.4 Utviklinga av eksporten av forsvarsmateriell 2000–2006

Kapittel 7.11 gjer greie for avslag på søknader om lisens i 2006. I kapittel 7.12 er det informert om løyve til overføring av produksjonsrettar og formidling av forsvarsmateriell i 2006. Eit oversyn over dei bedriftene som rapporterte om eksport av forsvarsmateriell i 2006, er å finne i kapittel 7.9.

Den samla verdien av eksporten i 2006 var om lag 3,5 milliardar kroner. Av dette utgjer sal 2,9 milliardar kroner, tenester om lag 362 millionar og reparasjonar for utanlandske eigarar 194 millionar.

A-materiell utgjorde om lag 1,4 milliardar kroner og B-materiell utgjorde nær 1,5 milliardar kroner. Verdien av formidling mellom to tredjeland var om lag 29 millionar kroner, og verdien av overføring av produksjonsrettar til utlandet utgjorde om lag 12 millionar kroner. I 2005 var den totale eksportverdien 2,92 milliardar kroner. I 2004 var den samla verdien av eksporten ca. 2,4 milliardar kroner, og i 2003 kom den samla verdien av eksporten på 3,0 milliardar kroner.

Fordi større leveransar kan skje i eitt år og ikkje i eit anna, er det naturleg at det oppstår variasjonar i verdien av utførselen av forsvarsmateriell frå år til år.

Det var 1580 gyldige lisensar i 2006. Av desse omfatta 897 sal av forsvarsmateriell, 100 tenester og 119 retur av varer til utanlandsk eigar.

Dei nordiske landa og NATO-land er dei største mottakarane av forsvarsmateriell frå Noreg. Eksporten av A-materiell til NATO-landa utgjorde 86 % av eksporten, og for B-materiell utgjorde eksporten drygt 55 %. I tillegg utgjorde eksporten til dei nordiske landa høvesvis 8 og 13 %.

Auken i eksporten i 2006 skuldast i hovudsak større eksport til Australia, Belgia, Canada, Danmark, Finland, Polen, Spania, Storbritannia, Tyskland, USA og Venezuela. Det var nedgang i eksporten til Chile, Italia, Kypros, Litauen, Nederland, Quatar, Saudi-Arabia og Ungarn.

7.1 Utvikling i eksporten av forsvarsmateriell, tenester og reparasjonar

Figur 7.4 og tabell 7.1 viser utviklinga i eksporten av forsvarsmateriell i kategori A og B og utviklinga for utførte tenester og reparasjonar knytte til liste I, for utanlandske oppdragsgjevarar.

7.2 Eksporten av kategori A-materiell fordelt på grupper av land

Figur 7.1 viser korleis fordelinga av den totale eksporten av kategori A-materiell (våpen og ammunisjon) fordeler seg på grupper av mottakarar. Som ein ser var NATO-landa den desidert største mottakaren av forsvarsmateriell i kategori A i 2006 med 86,5 % og dei nordiske landa med 8 %.

7.3 Eksporten av kategori B-materiell fordelt på grupper av land

Figur 7.2 viser korleis fordelinga av den totale eksporten av kategori B-materiell (anna militært materiell) fordeler seg på grupper av mottakarar. Nato-landa var i 2006 den største mottakaren av forsvarsmateriell i kategori B med 55 %. Deretter følgjer dei nordiske landa med 13 %. I oversyna i tabellane 7.2 og 7.3 er det gjeve meir detaljert informasjon om mottakarland, eksporterte varer og verdiar.

7.4 Eksport av forsvarsmateriell fordelt på land

Tabell 7.2 viser korleis verdien av eksporten av forsvarsmateriell fordeler seg på dei einskilde mottakarlanda. Verdien av eksporten er vist i 1000 kr. Tabell 7.2 viser òg endringar frå 2005 og 2006 for det enkelte landet.

7.5 Eksport fordelt på vareposisjonane i liste I

Figur 7.3 viser korleis eksporten av forsvarsmateriell i 2006 fordeler seg på vareposisjonane i liste I. Som ein ser av figuren, er 59 % av eksporten komponentar, delar, delsystem og tilleggsutstyr, 15 % er elektronisk utstyr, 15 % er ammunisjon og sprengstoff, 8 % er materialar og maskinar m.m. Andre produkt som missilsystem, bomber, rakettar osv. utgjer ein svært liten del av den samla eksporten.

7.6 Eksport av forsvarsmateriell fordelt på land og varegrupper i liste I

Tabell 7.3 viser kva land som har motteke forsvarsmateriell frå Noreg i 2006 og kva varegrupper som er eksporterte. I tillegg er materiellet karakterisert. Verdien er oppført i 1000 kr.

7.7 Tenester for utanlandske oppdragsgjevarar

Tabell 7.4 viser tenester knytte til liste I, som norske bedrifter har utført for utanlandske oppdragsgjevarar i 2006. Verdien av tenestene er oppført i 1000 kr.

7.8 Reparasjonar for utanlandske oppdragsgjevarar

Tabell 7.5 viser reparasjonar knytte til liste I som norske bedrifter har utført for utanlandske oppdragsgjevarar i 2006. Verdien av reparasjonane er oppført i 1000 kr.

7.9 Utførsel av handvåpen

Det blei gjeve 38 lisensar for utførsel av handvåpen i 2006. Tabell 7.6 gjev eit detaljert oversyn over desse lisensane og kva type handvåpen som blei utført frå Noreg i 2006. Desse eksportane omfattar i hovudsak konkurransevåpen, jaktvåpen og historiske våpen. Det er gjeve eksportlisens berre i dei tilfella der mottakar i mottakarlandet har hatt import- og bereløyve.

7.10 Utførsel frå Forsvaret

Oversynet i tabell 7.7 viser Forsvarets utførsel av eige materiell i 2006. Det blir opplyst om kva land Forsvaret har utført materiell til, kva posisjon i varelista materiellet viser til og dessutan ein omtale av formålet med utførselen.

7.11 Avslag på søknader om eksport av forsvarsmateriell i 2006

I 2006 blei det gjeve avslag på ein søknad om eksportlisens for forsvarsmateriell. Avslaget gjaldt ein søknad om utførsel av militære feltradioar til forsvarsstyresmaktene i Bangladesh. Kriterium 2 i EU-kodeksen låg til grunn for avslaget.

Avslag på ein søknad om eksportlisens inneber ikkje eit generelt forbod mot eksport av forsvarsmateriell til vedkommande land. Med unntak av gjennomføring av bindande embargovedtak fatta av Tryggingsrådet i FN, opererer ikkje det norske eksportkontrollsystemet med lister over land som anten kan eller ikkje kan ta imot forsvarsmateriell frå Noreg. Alle søknader om utførselslisens blir vurderte individuelt frå sak til sak.

7.12 Formidling og overføring av produksjonsrettar

I 2006 blei det gjeve 17 løyve til overføring av produksjonsrettar til utlandet og 5 løyve til formidling av forsvarsmateriell frå eit tredjeland til eit anna.

Løyva til overføring av produksjonsrettar blei gjevne i samband med at norske bedrifter deltok i internasjonalt samarbeid om utvikling av forsvarsmateriell. I 2006 var den fakturerte verdien i samband med desse aktivitetane rapportert å vere om lag 28,9 millionar kroner.

Løyva til formidling gjaldt overføringar av undervassladningar mellom Bulgaria og Portugal og komponentar for ammunisjon mellom Belgia og Danmark. Samla verdi er rapportert til å vere ca. 12 millionar kroner.

7.13 Oversyn over bedrifter som har rapportert om eksport i 2006

• Aaberg AS, Rolf Ing.

• AME AS

• An Com AS

• Arma Agora AS

• Arms & Ammo

• Bandak AS

• Benestad, Harald ing. AS

• Børselars AS

• Capsicum AS

• Comrod AS

• Corena Norge AS

• Dahl’s historiske Våpen

• DTW D.T. Wilson

• Dyno Nobel AS

• Engelsrud Fyverkerifabrikk AS

• Ericsson AS

• Exide Sønnak AS

• Flextronics International Norway AS

• FLO/FAP (Forsvarets avhendingsprosjekt)

• FLO/Forsyning/DTA

• FLO/M/I/Faggruppe Kontrakt

• Forsvarsmuseet

• Hansen, Ragnar Ing. AS

• Heli-one Norway AS

• Henriksen, H. mek. Verksted AS

• Jakt & Friluft AS

• Jaktdepotet AS

• Jotron Electronics AS

• Karotek Systemer AS

• Kitron AS

• Kongsberg Defence & Aerospace AS

• Kongsberg Defence & Communications AS

• Kongsberg Protech AS

• Kongsberg Small Arms AS

• Krico Norway AS

• Kværner Eureka AS

• Landrø, Magne AS

• Larsen Biathlon, Kjell G.

• Leif Kindseth AS

• Lilltech AS

• Mauseth Våpen & Sikring

• Metronor AS

• Motec AS

• Nacre AS

• Nammo Bakelittfabrikken AS

• Nammo Raufoss AS

• Natech NSV AS

• Nera Networks AS

• Nordskog Våpen & Sport AS

• Norma AS

• Norplasta AS

• Osi Optoelectronics AS

• Safety & Security Service AS

• Schou Våpen AS

• Simrad Optronics ASA

• Stenvaag Våpensenter AS

• Saab International Norge AS

• Saab Microwave Systems AS

• Thales Norway AS

• Tinex AS

• Tyra Invest AS

• Umoe Mandal AS

• Vinghøg AS

• Volvo Aero Norge AS

• Vaabenhuset Nygård AS

• Våpensmia AS

• Winge Våpen AS