7 Konklusjon og tilråding

Erasmus Mundus II vil vere med på å styrkje samarbeidet mellom norske og utanlandske institusjonar for høgare utdanning. Programmet vil gjere det mogleg for institusjonane våre å utvide det internasjonale engasjementet og nettverkssamarbeidet innanfor rammene av felles master- og doktorgradsprogram. Det vil òg leggje til rette for auka utveksling av studentar og fagleg tilsette med statar utanfor EØS-området.

Kunnskapsdepartementet rår til at Noreg tek del i ei avgjerd i EØS-komiteen om innlemming i EØS-avtala av tiltaksområde 1 og 3 i EU-programmet Erasmus Mundus II (2009-2013). Utanriksdepartementet sluttar seg til dette.