3 Rådsdirektiv 98/52/EF av 13. juli 1998 om utviding av direktiv 97/80/EF om provtyngsla i samband med skilnadshandsaming på grunnlag av kjønn til å omfatte Det sameinte kongerike Storbritannia og Nord-Irland

RÅDET FOR DEN EUROPEISKE UNIONEN HAR -

med tilvising til traktaten om skipinga av Det europeiske fellesskapet, særleg artikkel 100,

med tilvising til framlegget frå Kommisjonen¹1,

med tilvising til fråsegna frå Europaparlamentet²2,

med tilvising til fråsegna frå Økonomi- og sosialutvalet³3og

ut frå desse synsmåtane:

Rådet vedtok direktiv 97/80/EF⁴4i samsvar med avtala om sosial- og arbeidslivspolitikken, som er lagd ved protokoll nr. 14 til EF-traktaten om sosial- og arbeidslivspolitikken, særleg artikkel 2 nr. 2 i avtala. Følgjeleg gjeld det førnemnde direktivet ikkje for Det sameinte kongerike Storbritannia og Nord-Irland.

Under møtet sitt i Amsterdam 16.-17. juni 1997 merkte Det europeiske rådet seg med glede at det under regjeringskonferansen vart oppnådd semje om å innarbeide avtala om sosial- og arbeidslivspolitikken i traktaten, og påpeikte likeins at det bør finnast ein måte å gje rettsverknad til ønsket til Det sameinte kongerike om å godta dei direktiva som alt er vedtekne på grunnlag av avtala, og dei som kan verte vedtekne før Amsterdam-traktaten tek til å gjelde.

Under møtet i Rådet 24. juli 1997 vart Rådet og Kommisjonen samde om å gjennomføre dei konklusjonane som vart vedtekne under møtet til Det europeiske rådet i Amsterdam. Dei vart likeins samde om å nytte den same framgangsmåten, på tilsvarande måte, på framtidige direktiv som vert vedtekne på grunnlag av avtala om sosial- og arbeidslivspolitikken. Med dette direktivet vert det gjort freistnad på å nå det målet gjennom å utvide verkeområdet til direktiv 97/80/EF til å omfatte Det sameinte kongerike.

Det at direktiv 97/80/EF ikkje gjeld i Det sameinte kongerike Storbritannia og Nord-Irland, har direkte innverknad på korleis den felles marknaden verkar. Verksam gjennomføring i alle medlemsstatane av prinsippet om lik handsaming av menn og kvinner, særleg med omsyn til reglane for provtyngsle i saker som gjeld skilnadshandsaming på grunnlag av kjønn, vil føre til at den felles marknaden verkar betre.

Når dette direktivet vert vedteke, vil direktiv 97/80/EF gjelde i Det sameinte kongerike. Frå den datoen då dette direktivet tek til å gjelde, bør ordet «medlemsstatar» i direktiv 97/80/EF forståast slik at det omfattar Det sameinte kongerike.

Det sameinte kongerike bør få den same fristen på tre år som dei andre medlemsstatane har fått, til å setje i kraft dei føresegnene som er naudsynte for å rette seg etter direktiv 97/80/EF -

VEDTEKE DETTE DIREKTIVET:

Artikkel 1

Med atterhald for artikkel 2 skal direktiv 97/80/EF gjelde for Det sameinte kongerike Storbritannia og Nord-Irland.

Artikkel 2

I artikkel 7 i direktiv 97/80/EF vert følgjande ledd sett inn etter første leddet: «For Det sameinte kongerike Storbritannia og Nord-Irland skal datoen 1. januar 2001 i første leddet bytast ut med 22. juli 2001.»

Artikkel 3

Dette direktivet tek til å gjelde den dagen det vert kunngjort.

Artikkel 4

Dette direktivet er retta til medlemsstatane.

Utferda i Brussel, 13. juli 1998.

For Rådet

W. Schüssel

Formann