795 millionar kroner til næringsretta utviklingstiltak
Historisk arkiv
Publisert under: Regjeringen Bondevik II
Utgjevar: Kommunal- og regionaldepartementet
Pressemelding 28.juni 2005 (samlepressemelding for fordelinga til 14 fylker)
Pressemelding | Dato: 28.06.2005 | Sist oppdatert: 24.10.2006
Over statsbudsjettet for 2005 er det sett av 795 millionar kroner til næringsretta utviklingstiltak i regionane som er omfatta av omlegginga av den differensierte arbeidsgivaravgifta. (28.06.2005)
Pressemelding
Nr.: 150/2005
Dato: 28.06.2005
795 millionar kroner til næringsretta utviklingstiltak
Over statsbudsjettet for 2005 er det sett av 795 millionar kroner til næringsretta utviklingstiltak i regionane som er omfatta av omlegginga av den differensierte arbeidsgivaravgifta.
- Helst ville vi behalde den differensierte arbeidsgjevaravgifta. Når det ikkje gjekk, har Regjeringa lagt vekt på å føre tilbake midlane til den einskilde region på best mogleg måte og etter innspel frå regionane, seier statsråd Erna Solberg.
- Næringslivet og regionane har sjølve laga handlingsplanar for korleis midlane skal brukast, seier Solberg. - Eg er særleg nøgd med at næringslivet har tatt den førande rolla i å lage planane, og det er næringslivet sine prioriteringar som ligg til grunn for bruken av midlane.
Den fylkesvise fordelinga byggjer på berekna kostnadsauke som næringslivet får i kvart fylke som følgje av omlegginga av den differensierte arbeidsgivaravgifta frå og med 2004.
794 millionar kroner er til no fylkesvis fordelte. Fylkeskommunane er bedne om å koordinere arbeidet slik at det sendast éin handlingsplan til departementet frå kvart fylke.
- Framover blir det viktig at aktørane maktar å utvikle spissa mål, strategiar og satsingsområde for det vidare arbeidet. I stor grad handlar det om å være bevisst om profil og innretting av verkemiddelbruken som både kan kome næringslivet og samfunnet til gode på lang sikt, seier kommunal- og regionalminister Erna Solberg.
Rammene er førebelse. Transportstøtteordninga med etterskotsvis utbetaling gjer at den matematisk korrekte fordelinga for 2004 blir klar hausten 2005. Tilsvarande vil bli gjort hausten 2006 for 2005-rammene. Nokre fylke er difor underkompenserte, medan andre er overkompenserte i 2005.
- Dette vil vi korrigere etterkvart, understrekar Solberg.
Førebels fordeling blant fylka 1Talla er korrigerte for estimert transportstøtte.:
Fylke | Næringsretta utviklingsmidlar. Millionar kroner |
47,7 | |
Oppland | 55,6 |
21,6 | |
32,0 | |
12,8 | |
5,7 | |
22,4 | |
67,5 | |
71,1 | |
54,2 | |
28,2 | |
32,1 | |
200,6 | |
142,5 | |
Sum | 794,0 2I tillegg er det sett av 1 millionar kroner til gjennomføring av erfaringskonferansar og nødvendig utredningsarbeid. |
Fylkesvise pressemeldingar:
- 47,7 millionar kroner til næringsretta utviklingstiltak i Hedmark
- 21,6 millionar kroner til næringsretta utviklingstiltak i Buskerud
- 32 millionar kroner til næringsretta utviklingstiltak i Telemark
- 12,8 millionar kroner til næringsretta utviklingstiltak i Aust-Agder
- 5,7 millionar kroner til næringsretta utviklingstiltak i Vest-Agder
- 22,4 millionar kroner til næringsretta utviklingstiltak i Rogaland
- 67,5 millionar kroner til næringsretta utviklingstiltak i Hordaland
- 71,1 millionar kroner til næringsretta utviklingstiltak i Sogn og Fjordane
- 54,2 millionar kroner til næringsretta utviklingstiltak i Møre og Romsdal
- 28,2 millionar kroner til næringsretta utviklingstiltak i Sør-Trøndelag
- 32,1 millionar kroner til næringsretta utviklingstiltak i Nord-Trøndelag
- 200,6 millionar kroner til næringsretta utviklingstiltak i Nordland
- 142,5 millionar kroner til næringsretta utviklingstiltak i Troms