9 Eksporten av forsvarsmateriell i 2007

Dette kapitlet gir informasjon om eksporten av forsvarsmateriell basert på utførselsverdien ved sal av varer, teknologi og tenester som er omfatta av liste I.

Til liks med st.meld. nr. 19 (2005–2006) og st.meld. nr. 33 (2006–2007) gir denne meldinga òg informasjon om utførsel av handvåpen frå Noreg og om eige materiell som forsvarsmakta bruker i utlandet. Som det går fram av oversikta i tabell 9.6, eksporterer ikkje Noreg militære handvåpen. Utførselen gjeld i all hovudsak antikke våpen til samlarar og jakt- og konkurransevåpen.

Vidare blir det informert om løyve som er innvilga til formidling av forsvarsmateriell mellom to tredjeland, og om løyve til å overføre produksjonsrettar til utlandet.

For første gong blir det òg informert om utførsel av sivile varer til militære sluttbrukarar og om utførsel av utstyr for bruk i humanitære aksjonar (minerydding).

Oversiktene inneheld ikkje opplysningar om mellombels utførsel av varer for demonstrasjon eller reparasjon, eller om varer som skal returnerast til Noreg. Det blir gitt informasjon om avslag på søknader om eksportlisens. Avslag som er tekne med i oversikta, er formelle avslag på lisenssøknader som har vore behandla på grunnlag av det norske eksportkontrollregelverket. På bakgrunn av samarbeidet som er inngått i tilknyting til EU-kodeksen, er det òg vist til kva kriterium i kodeksen som er bakgrunn for avslaga. På denne måten er Noreg med på å fremje høg internasjonal standard når det gjeld innsyn i utførselen av forsvarsmateriell.

Fordi større leveransar kan skje i eitt år og ikkje i eit anna, er det naturleg at det oppstår variasjonar i verdien av utførselen av forsvarsmateriell frå år til år.

Eksporten av forsvarsmateriell og tenester

Eksporten av forsvarsmateriell, tenester og utførte reparasjonar, og avslag på søknader om eksportlisens knytte til liste I, går fram av desse oversiktene 1 og figurane:

Tabell 9.1 Totalar for eksport av forsvarsmateriell i 2006 og 2007

Tabell 9.2 Eksport av A- og B-materiell fordelt på grupper av land

Tabell 9.3 Detaljar ved eksporten fordelt på land og vareposisjonar i liste I

Tabell 9.4 Utførte tenester knytte til liste I

Tabell 9.5 Reparasjonar i Noreg for utanlandske oppdragsgivarar

Tabell 9.6 Oversikt over utførsel av handvåpen

Tabell 9.7 Oversikt over eige materiell som forsvarsmakta utfører

Tabell 9.8 Sivile varar til militære sluttbrukarar

Tabell 9.9 Verneutstyr for humanitær minerydding

Figurar:

Fig. 9.1 Fordeling av eksporten av A-materiell på regionar

Fig. 9.2 Fordeling av eksporten av A-materiell på regionar

Fig. 9.3 Utførselen fordelt på posisjonane i liste I

Fig. 9.4 Utviklinga i eksporten av forsvarsmateriell 2002–2007

Kapittel 9.11 gjer greie for avslag på søknader om lisens i 2007. I kapittel 9.2 er det opplyst om løyve til overføring av produksjonsrettar og formidling av forsvarsmateriell i 2007.

Eit oversyn over bedrifter som har rapportert om eksport av forsvarsmateriell i 2007, er å finne i kapittel 9.15.

Den samla verdien av eksporten i 2007 var om lag 3,6 milliardar kroner. Av dette utgjorde sal ca. 3,2 milliardar, tenester om lag 308 millionar kroner og reparasjonar for utanlandske eigarar ca. 130 millionar kroner. A-materiell utgjorde i overkant av 2 milliardar kroner og B-materiell nær 1,2 milliardar kroner.

I 2006 utgjorde den samla eksporten ca. 3,5 milliardar. Til samanlikning var den samla verdien av eksporten om lag 2,9 milliardar kroner i 2005, 2 milliardar i 2004 og 3 milliardar kroner i 2003.

Sverige, Finland og medlemslanda i NATO er dei største mottakarane av forsvarsmateriell frå Noreg.

I 2007 gjekk 83 % av eksporten av A-materiell til NATO-landa, av B-materiell 75 %, mens høvesvis 9 % og 14 % gjekk til Finland og Sverige. I 2006 utgjorde eksporten til NATO-landa 86 % for A-materiell og 55 % for B-materiell, mens Finland og Sverige var mottakar av høvesvis 8 % og 13 % av eksporten.

Oversiktene over verdien av eksporten i 2007 viser ein vesentleg nedgang i eksporten av B-materiell og i verdien av tenester for utanlandske oppdragsgivarar, overføring av produksjonsrettar og formidling av sal av forsvarsmateriell mellom to tredjeland. I 2007 var det ein vesentleg auke i salet av A-materiell (nær 45 % frå 2006). Nedgangen i salet av B-materiell var på 22 %.

Totalt auka verdien av eksporten av forsvarsmateriell frå 2006 til 2007 med 4,6 %. Det var auke i eksporten til Latvia, Polen, Sverige, Tyskland og USA. Samtidig var det nedgang i eksporten til Australia, Canada, Kuwait og Spania.

I 2007 blei det utferda 1444 lisensar for sal av varer på liste I og for tenester og retur av varer til utanlandske eigarar. I same perioden låg det føre 2612 gyldige lisensar.

9.1 Utvikling i eksporten av forsvarsmateriell, tenester og reparasjonar

Tabell 9.1 og figur 9.4 viser utviklinga i eksporten av forsvarsmateriell i kategori A og B og utførte tenester og reparasjonar knytte til liste I for utanlandske oppdragsgivarar.

9.2 Eksporten av kategori A-materiell fordelt på grupper av land

Figur 9.1 viser korleis den samla eksporten av kategori A-materiell (våpen og ammunisjon) fordeler seg på grupper av mottakarar. Det går fram at NATO-landa var den desidert største mottakaren av forsvarsmateriell i kategori A i 2007 med 83 %, deretter kom Sverige og Finland med 9 %.

9.3 Eksporten av kategori B-materiell fordelt på grupper av land

Figur 9.2 viser korleis den samla eksporten av kategori B-materiell (anna militært materiell) fordeler seg på grupper av mottakarar. NATO-landa var i 2007 den største mottakaren av forsvarsmateriell i kategori B med 75 %. Deretter følgjer Sverige og Finland med til saman 14 %. I kapittel 9. 4 (tabell 9.2) og kapittel 9.6 (tabell 9.3) er det informert meir i detalj om motakarland, eksporterte varer og verdiar.

9.4 Eksport av forsvarsmateriell fordelt på land

Tabell 9.2 viser korleis verdien av det eksporterte forsvarsmateriellet fordeler seg på mottakarlanda. Verdien av eksporten er vist i 1000 kroner. Tabell 9.2 viser òg endring frå 2005 og 2006 for kvart av landa.

9.5 Eksport fordelt på vareposisjonane i liste I

Figur 9.3 viser korleis eksporten av forsvarsmateriell i 2007 fordeler seg på vareposisjonane i liste I. Som det går fram av figuren, er 58 % av eksporten komponentar, delar, delsystem og tilleggsutstyr, 20 % elektronisk utstyr, 13 % ammunisjon og sprengstoff og 9 % eldleiings- og søkjarutstyr m.m. Andre produkt, til dømes missilsystem, bomber og rakettar, utgjer ein svært liten del av den samla eksporten.

9.6 Eksport av forsvarsmateriell fordelt på land og varegrupper i liste I

Tabell 9.3 viser land som har fått forsvarsmateriell frå Noreg i 2007, og varegrupper som er eksporterte. I tillegg er materiellet karakterisert. Verdiane er oppførte i 1000 kroner.

9.7 Tenester for utanlandske oppdragsgivarar

Tabell 9.4 viser tenester knytte til liste I som norske bedrifter har utført for utanlandske oppdragsgivarar i 2007. Verdien av tenestene er oppført i 1000 kroner.

9.8 Reparasjonar for utanlandske oppdragsgivarar

Tabell 9.5 viser tenester knytte til liste I som norske bedrifter har utført for utanlandske oppdragsgivarar i 2007. Verdien av tenestene er oppført i 1000 kroner.

9.9 Utførsel av handvåpen og delar til slike våpen

Det blei innvilga 136 lisensar for utførsel av handvåpen i 2007. Tabell 9.6 gir ei detaljert oversikt over desse lisensane og kva typar handvåpen som blei utførte frå Noreg i 2007. Desse eksportane omfattar i hovudsak konkurransevåpen, jaktvåpen og historiske våpen. Eksportlisens er berre gitt i tilfelle der det har lege føre import- og bereløyve for mottakaren i mottakarlandet.

9.10 Materiell utført av Forsvaret

Oversikta i tabell 9.7 gjeld eige materiell utført av Forsvaret i 2007. Det går fram kva land Forsvaret har utført materiell til, kva posisjon i varelista materiellet referer seg til, og kva som var formålet med utførselen.

9.11 Avslag på søknader om eksport av forsvarsmateriell i 2007

I 2007 blei det gitt 4 avslag på ein søknad om eksportlisens for forsvarsmateriell. Avslaga gjaldt ammunisjon og nattutstyr til Colombia, Bangladesh, Pakistan og Algerie. Avslaga var grunngevne med kriteria 2 og 3 i EU-kodeksen.

Avslag på ein søknad om eksportlisens inneber ikkje eit generelt forbod mot eksport av forsvarsmateriell til vedkommande land. Bindande embargovedtak fatta av Tryggingsrådet er dei einaste tilfella der det norske eksportkontrollsystemet opererer med lister over land som anten kan eller ikkje kan ta imot forsvarsmateriell frå Noreg. Alle søknader om utførselslisens blir vurderte individuelt frå sak til sak.

9.12 Formidling og overføring av produksjonsrettar

I 2007 blei det gitt 11 løyve til overføring av produksjonsrettar til utlandet og 2 løyve til formidling av forsvarsmateriell frå eitt tredjeland til eit anna.

Løyva til overføring av produksjonsrettar blei gitt i samband med at norske bedrifter deltok i internasjonalt samarbeid om utvikling av forsvarsmateriell. I 2006 var den fakturerte verdien i tilknyting til desse aktivitetane rapportert til om lag 28,9 millionar kroner. I 2007 var verdien 6,6 millionar kroner, dvs. ein tilbakegang på drygt 77 %.

Løyva til formidling i 2006 hadde ein verdi på ca. 12 millionar kroner. I 2007 minka verdien av formidling av forsvarsmateriell mellom to tredjeland til knapt 4 millionar kroner, ein tilbakegang på ca. 67 %.

9.13 Oversikt over utførsel av sivile varer til militær bruk i mottakarlandet

9.14 Oversikt over utførsel av verneutstyr for bruk i humanitær minerydding

Oversikta i tabell 9.9 omfattar vestar, hjelmar, visir og verneutstyr for personell og for sivilt kjørety

9.15 Oversikt over bedrifter som har rapportert om eksport i 2007

• AnCom AS

• Arma Agora AS

• ARMS & AMMO

• A-TEC

• Bandak AS

• Børselars A/S

• CAPSICUM AS

• Chemring Nobel AS

• Comrod AS

• Corena Norge AS

• Dahl’s Historiske Våpen

• Dspnor as

• Dyno Nobel AS

• EIDEL, Eidsvoll Electronics AS

• Ericsson AS

• Exide Sønnak AS

• Flextronics InternationalNorway AS

• FLO/Forsvarets Logistikk Organisasjon

• Fred. Olsen Fly og Luftmateriell AS

• Glamox ASA

• Gylling Teknikk AS

• H. Henriksen mek. verksted A/S

• Hanevik Våpen v/K E Hanevik

• Hansen, Ragnar Ing. AS

• Heli-One (Norway) AS

• Hunt AS

• Ingeniør Harald Benestad as

• Jakt & Friluft AS

• Jaktdepotet AS

• Jotron Electronics as

• Kenneth Holiløkk

• Kitron AS

• Kongsberg Defence & Aerospace

• Kongsberg Protech AS

• Kongsberg Small Arms AS

• Krico Norway AS

• Kværner Eureka AS,Forsvarsavdelingen

• Landrø, Magne A/S

• Larsen Biathlon, Kjell G.

• Laszlo Hajek

• Lilltech AS

• Løvenskioldbanen Skytesenter as

• Mauseth Våpen & Sikring

• Metronor AS

• Motec AS

• Nacre AS

• Nammo Bakelittfabrikken AS

• Nammo Raufoss AS

• NATECH NSV AS

• NFM Caseb AS

• Norma A/S

• Norplasta as

• OSI Optoelectronics AS

• ProPartner AS

• Rolls-Royce Marine, Automation

• Longva

• Scan Matic, AS

• Schou Våpen AS

• Seaproof Solutions AS

• Simrad Optronics ASA

• Sønju, H. Våpen

• Saab International Norge ASc/o Hærens Takt

• Saab Microwave Systems AS

• Thales Norway AS

• Tinex AS

• Umoe Mandal AS

• Vinghøg AS

• Volvo Aero Norge AS

• Vaabenhuset Nygård AS

• Våpensmia AS

• Winge Våpen AS

• XXL Grossist Norge AS