4 Vurderingar

IDA støttar ei rekke prosjekt på sektorområde der Noreg tek del i EØS-samanheng, og der kommunikasjonsnett og datautveksling er ein føresetnad. Det er viktig for Noreg å delta i dette programmet fordi vi ved utvidingar av samarbeidet med EU tidligere har hatt røynsle med at det har meldt seg vanskar i tingingane på nye sektorområde når det har vore uklart om Noreg tek del i IDA-programmet.

I Noreg blir det lagt opp til at programmet blir gjennomført ved at dataflyten (dokument, meldingar osv.) til aktuelle departement og etatar vil bli formidla vidare internt i Noreg i det tverrsektorielle statlege nettet, som vert drive av Statens forvaltingsteneste. Dette kan gje innsparingar på nasjonal side ved at det vert lettare å få gjennomført sektorløysingar i lys av felles, sikker infrastruktur.