7 Merknadar til lovforslaget

Endringane i lov om pensjonsordning for arbeidstakere til sjøs

Til § 2 nr. 2

Bakgrunnen for føresegna i lov om pensjonsordning for arbeidstakere til sjøs § 2 nr. 2, er folketrygdlova § 2-12. Som ein konsekvens av at folketrygdlova § 2-12 blir foreslått oppheva, blir òg lov om pensjonsordning for arbeidstakere til sjøs § 2 nr. 2 andre ledd foreslått oppheva. Noverande § 2 nr. 2 tredje ledd blir andre ledd.

Sjå nærmare omtale i punkt 3.4.1.

Endringane i lov om folketrygd

Til § 2-5

Folketrygdlova § 2-5 første ledd bokstav f inneheld ei tilvising til § 2-12. Som ein konsekvens av at § 2-12 blir foreslått oppheva, blir òg denne tilvisinga foreslått tatt ut.

Sjå nærmare omtale i punkt 3.3.

Til § 2-12

Lov om folketrygd § 2-12 blir oppheva.

Sjå nærmare omtale i punkt 3.2.

Endringa i lov om stillingsvern mv. for arbeidstakere på skip

Til § 4-7

Bakgrunnen for føresegna i lov om stillingsvern mv. for arbeidstakere på skip § 4-7 andre ledd, er folketrygdlova § 2-12. Som ein konsekvens av at folketrygdlova § 2-12 blir foreslått oppheva, blir òg lov om stillingsvern mv. for arbeidstakere på skip § 4-7 andre ledd foreslått oppheva. Noverande § 4-7 tredje til sjette ledd blir andre til femte ledd.

Sjå nærmare omtale i punkt 3.4.2.

Ikraftsetjing

Departementet foreslår at lova skal gjelde frå den tida Kongen fastset.